14 
បាល់ទាត់៖ ក្រុមបាល់ទាត់ជម្រើសជាតិកម្ពុជាបន្តហ្វឹកហាត់ ក្រោយប្រកួតជាមួយឥណ្ឌាត្រៀមជួបហុងកុងប្រកួតទី២ក្នុងពូល D នៃការប្រកួតជម្រុះពានរង្វាន់បាល់ទាត់ទ្វីបអាស៊ី ២០២៣ ថ្ងៃទី១១ ខែមិថុនា ឆ្នាំ២០២២ ស្អែកនេះនៅទីក្រុងកុលកាតា សាធារណៈរដ្ឋឥណ្ឌា។
ការប្រកួតនេះ BTV News ផ្សាយផ្ទាល់ជូនបងប្អូនអ្នកគាំទ្របាល់ទាត់ជាតិដើម្បីបានទស្សនា និងគាំទ្រគោព្រៃកម្ពុជា ពីចម្ងាយ។ កម្ពុជាមុនជួបហុងកុង ចាញ់ឥណ្ឌា ២ទល់នឹង០ ខណៈហុងកុងឈ្នះអាហ្វហ្កានីស្ថាន ២ទល់នឹង១។ ៧ប្រកួតដែលក្រុមទាំងពីរជួបគ្នា កម្ពុជាមិនដែលឈ្នះទេពោលស្មើមួយប្រកួត ១ទល់នឹង១ ឆ្នាំ២០១៩ ប្រកួតជម្រុះពានរង្វាន់បាល់ទាត់ពិភពលោក និងចាញ់ ៦ប្រកួតដោយក្នុងនោះឆ្នាំ១៩៥៧ កម្ពុជាចាញ់ ៦ទល់នឹង២។ ១៩៩៩ កម្ពុជាចាញ់ហុងកុង ៤ទល់នឹង១ និង ១ទល់នឹង០ ការប្រកួតជម្រុះបាល់ទាត់អាស៊ី។ ២០១៦ ក្នុងការប្រកួតមិត្តភាពអន្តរជាតិកម្ពុជាចាញ់ ៤ទល់នឹង២ និង ២ទល់នឹង០។ ចំណែកចុងឆ្នាំ២០១៩ ចាញ់ ២ទល់នឹង០ ប្រកួតជម្រុះបាល់ទាត់ពិភពលោក២០២២៕
