26 
(ភ្នំពេញ)៖ សម្រាប់ព្រឹតិ្តការណ៍បាល់ទាត់លីគកំពូលកម្ពុជា ឆ្នាំ២០២១ បានវិលត្រឡប់មកវិញហើយនៅចុងសប្តាហ៍នេះ ដោយបន្តប្រកួតបង្គ្រប់សប្តាហ៍ទី៨ និងឈានចូលសប្តាហ៍ទី១២ បន្ថែមទៀតនៅថ្ងៃទី០៤-០៥ ខែកញ្ញា ឆ្នាំ២០២១ របស់ក្រុមទាំង ១២ដែលចូលរួម។
សម្រាប់ការប្រកួតនៅថ្ងៃសៅរ៍ ទី០៤ ខែកញ្ញា ឆ្នាំ២០២១ រួមមាន៖
១៖ អគ្គិសនីកម្ពុជា Vs បឹងកេត
២៖ គិរីវង់សុខសែនជ័យ Vs វិសាខា
៣៖ សូលទីឡូអង្គរ Vs អង្គរថាយហ្គឺរ
៤៖ ភ្នំពេញក្រោន Vs អាស៊ីអឺរ៉ុបយូណាយធីត។
ចំណែកការប្រកួតនៅថ្ងៃអាទិត្យ ទី០៥ ខែកញ្ញា ឆ្នាំ២០២១ វិញនោះរួមមាន៖
១៖ ខេត្តព្រៃវែង Vs នគរបាលជាតិ (បង្គ្រប់សប្តាហ៍ទី៨)
២៖ ព្រះខ័នរាជស្វាយរៀង Vs កងយោធពលខេមរភូមិន្ទ។
សូមបញ្ជាក់ថា កាវិលត្រលប់មកវិញនៃពានលីគកំពូលកម្ពុជា ក្រោយពីបានពន្យារពេលដោយសារកូវីដ បានឈានចូលសប្តាហ៍ទី ១២ហើយ ដោយមានក្រុមពិសេសៗនឹងត្រូវប៉ះគ្នារវាងក្រុមម្ចាស់ផ្ទះព្រះខ័នរាជស្វាយរៀង ដែលឈរនៅចំណាត់ថ្នាក់លេខ៤ និងមាន ១៩ពិន្ទុទទួលស្វាគមន៍ ក្រុមភ្ញៀវកងយោធពលខេមរភូមិន្ទ ដែលឈរនៅចំណាត់ថ្នាក់លេខ៧ និងមាន ១៦ពិន្ទុនៅថ្ងៃអាទិត្យ ទី០៥ ខែកញ្ញា ក្នុងទឹកដីនៃកីឡដ្ឋាន ខេត្តស្វាយរៀង នាម៉ោង ១៨៖០០នាទីល្ងាច៕
