87 
ភ្នំពេញ៖ ប្រិយមិត្តនៅចាំទេកាលពីវេលាម៉ោង១រសៀល ថ្ងៃទី៥ ខែមេសាឆ្នាំ២០២០ នៅចំណុចបន្ទប់ជួល ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ដែលបែកធ្លាយវីដេអូយ៉ាងព្រៃផ្ស័យដោយឃើញបុរសម្នាក់រួមជាមួយលោកយាយបានយកក្រមាចងដៃស្ត្រីដែលមានផ្ទៃពោះ៤ខែនិងចម្រឹងដែកហើយបោះពាក្យថាចង់ប្តឹងទៅណាប្តឹងចុះ ដែលធ្វើឲ្យមហាជនខឹងសម្បាយ៉ាងខ្លាំងហើយចែករំលែកវីដេអូតៗគ្នា។
ចំណែកលោក ម៉ន វុធី ដែលជាអធិការនគរបាលខណ្ឌពោធិ៍សែន ហាក់មិនរវល់រឿងនេះទាល់តែសោះរហូតមានការរិះគន់ពីសង្គមហ្វេសបុកយ៉ាងចាស់ដៃ។
គេសង្កេតឃើញថា ក្រោយមានការផ្ទុះរឿងកាន់តែខ្លាំងក្លាឡើង លោក ហែម ដារិទ្ធិ អភិបាលនៃគណៈអភិបាលខណ្ឌពោធិ៍សែនជ័យ បង្ហោះសារមួយដែលត្រូវចិត្តប្រជាពលរដ្ឋយ៉ាងខ្លាំង ដោយលោកនិយាយថា ក្នុងនាមខ្ញុំបាទជាប្រធានគណៈបញ្ជាការឯកភាពខណ្ឌពោធិ៍សែនជ័យ នឹងជម្រុញឲ្យសមត្ថកិច្ចទាំងអស់តាមចាប់ជនបង្កហេតុម្នាក់នេះ ដើម្បីដោះស្រាយទៅតាមផ្លូវច្បាប់។
យោងតាមពាក្យបណ្តឹងរបស់ជនរងគ្រោះ បានរៀបរាប់ថា កាលពីថ្ងៃទី៥ ខែមេសា ឆ្នាំ២០២០ វេលាម៉ោង១រសៀល មុនពេលកើតហេតុ ជនរងគ្រោះបានទៅរើឥវ៉ាន់របស់បងស្រី ឈ្មោះ ស្រីម៉ៅ ដែលបានជួលបន្ទប់លេខ A4 ស្ថិតនៅភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។ ពេលជនរងគ្រោះទៅដល់បានរើឥវ៉ាន់ដាក់លើកង់បី ដើម្បីយកមកបន្ទប់ជួលថ្មី នៅក្បែរបន្ទប់ជួលចាស់ស្របពេលនោះ ម្ចាស់ផ្ទះចាស់បានមករករឿង រហូតមានទំនាស់ពាក្យសម្តី ដោយយកក្រមាចាំចងជនរងគ្រោះជាប់នឹងទ្វារតែម្តង បច្ចុប្បន្ន ស្ត្រីរងគ្រោះកំពុងសម្រាកព្យាបាលនៅមន្ទីរពេទ្យ សម្ភពសុវណ្ណារ៉ា ។
មន្ត្រីសាធារណៈការដែលចាប់ស្ត្រីមានផ្ទៃពោះ៤ខែចងនឹងសម្រឹងដែកបានចូលបង្ហាញខ្លួននៅអធិការដ្ឋាននគរបាលខណ្ឌពោធិ៍សែនជ័យ ចំពោះជនបង្ករតុលាការសម្រេចដាក់ទោសអោយជាប់ពន្ធធនាគារ ឬយ៉ាងណា ប្រជាពលរដ្ឋគ្រប់មជ្ឈដ្ឋានក៏កំពុងចង់តាមដានផងដែរ ដែលបច្ចុប្បន្នជនបង្ករស្ថិតក្នុងដៃសមត្ថកិច្ចខណ្ឌពោធិ៍សែនជ័យកំពុងសួរចម្លើយនិងរៀបចំឯកសារបញ្ចូនឡើងតុលការ។
