18 
បាល់ទាត់៖ ខ្សែការពារ Barcelona, Ronald Araujo បានឈានដល់កិច្ចព្រមព្រៀងហើយក្នុងការបន្តកិច្ចសន្យានៅជាមួយក្លិបដល់ឆ្នាំ២០២៦ អមជាមួយនឹងតម្លៃទិញផ្តាច់កិច្ចសន្យាដល់ទៅ ១ពាន់លានអឺរ៉ូ។ កិច្ចសន្យាចាស់របស់កីឡាករវ័យ ២៣ឆ្នាំរូបនេះនឹងអស់សុពលភាពនៅឆ្នាំ២០២៣។
កីឡាករជំរើសជាតិអ៊ុយរូហ្កាយរូបនេះបង្ហាញខ្លួន ២៦ប្រកួតហើយឱ្យ Barcelona រដូវកាលនេះដោយបានស៊ុតបញ្ចូលទី ៤គ្រាប់បូករួមទាំងមួយគ្រាប់ដែលយកឈ្នះ Real Madrid ៤-០ កាលពីខែមីនា។ Ronald Araujo បានមកដល់ Barcelona កាលពីឆ្នាំ២០១៨ ផ្លាស់ពីក្លិបអ៊ុយរូហ្កាយ Boston River ជាមួយនឹងកិច្ចសន្យា ៥ឆ្នាំនៅពេលនោះ។ នៅឆ្នាំ២០១៩ Araujo បានបង្ហាញខ្លួនប្រកួតដំបូងរបស់ខ្លួនជាមួយ Barcelona ជាកីឡាករបម្រុងផ្លាស់ប្តូរចូលពេលជួបនឹង Sevilla តែក៏ទទួលបានកាតក្រហមបណ្តេញចេញ ១៤នាទីបន្ទាប់។ ជាមួយក្រុមជំរើសជាតិ Ronald Araujo បង្ហាញខ្លួនបាន ៩លើក និងត្រូវបានកោះហៅលើកដំបូងនៅឆ្នាំ២០២០៕
