14 
បាល់ទាត់៖ ៤ប្រកួត ៥គ្រាប់ Cristiano Ronaldo សង្គ្រោះក្រុមបិសាចក្រហម Manchester United សាជាថ្មីក្រោយស្មើនៅទឹកដី Atalanta ២-២។ រដូវកាលរបស់ Manchester United នៅតែបន្តក្នុងលក្ខណៈមិននឹងនរមិនថានៅ English Premier League រឺ UEFA Champions League។
Atalanta ដែលនាំមុខពីរគ្រាប់មុនកាលពីនៅ Old Trafford តែត្រូវបានវាយបកយកឈ្នះ ៣-២ វិញកាលពី ២សប្តាហ៍មុនជាថ្មីម្តងទៀតត្រលប់មកទឹកដីខ្លួនឯងវិញក៏នាំមុខមុនទៀត Josip Ilicic នៅនាទីទី១២ តែម៉ោងបន្ថែមបង្គ្រប់ក្នុងវគ្គទី១ Cristiano Ronaldo ស៊ុតតាមស្មើវិញនៅនាទីទី៤៥+១។ ចូលវគ្គទី២ Atalanta នាំមុខសាជាថ្មីនៅនាទីទី៥៦ ដោយ Duvan Zapata តែក្រុមរបស់លោក Gian Piero Gasperini នៅតែមិនអាចរក្សា ៣ពិន្ទុរបស់ខ្លួនបានបន្ទាប់ពី Cristiano Ronaldo ជាថ្មីម្តងទៀតគឺជាស៊ុតបញ្ចូលទីតាមស្មើនៅនាទីទី៩០+១ ដែលជាការស៊ុត Volley ក្រោយទទួលបានពី Mason Greenwood។លទ្ធផលនេះធ្វើឱ្យ Manchester United បន្តនាំមុខគេក្នុងពូល F នេះមាន ៧ពិន្ទុស្មើគ្នាជាមួយក្រុមលេខ២ Villarreal ដែលបានយកឈ្នះ Young Boys ២-០។ ពីរគ្រាប់របស់ Villarreal ធ្វើបានដោយ Etienne Capoue និង Arnaut Danjuma នៅនាទីទី៨៩។ ជំនួបបន្ទាប់នៅក្នុងពូលនេះ Manchester United ត្រូវទៅទឹកដី Villarreal នៅថ្ងៃទី២៤ ខណៈ Young Boys ទទួល Atalanta៕
