35 ថៃ៖ ក្រុមអ្នកគាំទ្រលោកស្រី Aung San Suu Kyi បានតវ៉ានៅខាងក្រៅស្ថានទូតសហភាពមីយ៉ាន់ម៉ា ក្នុងទីក្រុងបាងកកកាលពីល្ងាចថ្ងៃព្រហស្បតិ៍ ប្រឆាំងនឹងចំណាត់ការរបស់យោធា ក្នុងការដណ្តើមគ្រប់គ្រងប្រទេសមីយ៉ាន់ម៉ារយៈពេលមួយឆ្នាំ។ ក្រុមនេះបានបើកភ្លើងពិលទូរស័ព្ទដៃរបស់ពួកគេ ហើយបានច្រៀងចម្រៀងដែលមានចំណងជើងថា ”ធូលីក្នុងខ្យល់” ឬ (Dust in the Wind) ដែលបានសម្រួលទំនុកច្រៀងជាភាសាមីយ៉ាន់ម៉ា។
មនុស្សមួយចំនួនតូចទៀតបានកាន់ផ្ទាំងផូស្ទ័រ មានរូបថតរបស់មេទ័ពដែលដឹកនាំរដ្ឋប្រហារគឺលោក ឧត្ដមសេនីយ៍ Min Aung Hlaing និងពាក្យថា “គាបសង្កត់” ព្រមទាំងបានដុតផ្ទាំងផូស្ទ័រនោះចោលទៀតផង។ ក្រុមអ្នកតវ៉ាដែលភាគច្រើន ជាពលករចំណាកស្រុកមកពីប្រទេសមីយ៉ាន់ម៉ា បានធ្វើបាតុកម្មទ្រង់ទ្រាយតូចៗជាច្រើនក្នុងទីក្រុងបាងកក នៅសប្ដាហ៍នេះនៅខាងក្រៅស្ថានទូត និងនៅមុខការិយាល័យអង្គការសហប្រជាជាតិ ក្នុងរដ្ឋធានីរបស់ប្រទេសថៃ។ យោធាមីយ៉ាន់ម៉ាបានដណ្ដើមអំណាចភ្លាមៗ មុនពេលបើកសម័យប្រជុំសភាថ្មីមួយ កាលពីថ្ងៃច័ន្ទដើមសប្ដាហ៍នេះ៕
