17 
បាល់ទាត់៖ ក្លិបបាល់ទាត់អង់គ្លេស Leicester City បានដាក់បង្ហាញរូបសំណាកលោក Vichai Srivaddhanaprabha ដែលជាអតីតប្រធានក្លិបដែលបានបាត់បង់ជីវិតដោយសារធ្លាក់ឧទ្ធម្ភាគចក្រ។ លោក Vichai រួមជាមួយមនុស្សបួននាក់ផ្សេងទៀតសុទ្ធតែស្លាប់ ក្នុងហេតុការណ៍អកុសលធ្លាក់ឧទ្ធម្ភាគចក្រផ្ទាល់ខ្លួនកាលពីខែតុលា ឆ្នាំ២០១៨ នៅក្នុងបរិវេណកីឡដ្ឋាន King Power។
មរណភាពលោក Vichai គឺពីរឆ្នាំបន្ទាប់ពី Leicester City ធ្វើឱ្យកក្រើកសារព័ត៌មានកីឡាពិភពលោកក្រោយឈ្នះពាន English Premier League មិនគួរឱ្យជឿនៅឆ្នាំ២០១៦។ ការដាក់បង្ហាញរូបសំណាកលោក Vichai គឺចំថ្ងៃខួបកំណើត ៦៤ឆ្នាំរបស់លោកដែលមានការចូលរួមដោយក្រុមគ្រួសារ ដែលរួមមានលោក Khun Aiyawatt ដែលជាកូនប្រុស និងជាម្ចាស់ក្លិបនាពេលបច្ចុប្បន្ន។ អ្នកចាត់កការដែលដឹកនាំ Leicester City ឈ្នះបាន EPL លោក Claudio Ranieri ក៏បានចូលរួមពិធីសម្ពោធរូបសំណាកនេះដែរ និងរួមជាមួយកីឡាករ Leicester កាលពីអតីតកាល និងបច្ចុប្បន្នផងដែរ៕
