12 
(ឡុងដ៏)៖ លោក Jesse Marsch បានចូលកាន់តំណែងគ្រូបង្វឹកថ្មីជាផ្លូវការរបស់ក្លិប Leeds United ដែលស្ថិតក្នុងលីគអង់គ្លេស Premier League បន្ទាប់ពីក្លិបនេះបានបណ្តេញលោក Marcelo Bielsa ចេញតំណែងក្នុងពេលថ្មីៗនេះ ក្រោយដឹកនាំក្រុមមិនបានល្អនៃការប្រជែងពាន។
លោក Jesse Marsch បច្ចុប្បន្នមានវ័យ ៤៨ឆ្នាំបានព្រមព្រៀងជាមួយក្លិប Leeds United ក្នុងកិច្ចសន្យារហូតដល់ឆ្នាំ២០២៥ បន្ទាប់ពីទំនេរពីការងារយៈពេល ៥ខែដែលលោកជាអតីតគ្រូក្លិប New York Red Bulls, Red Bull Salzburg និង RB Leipzig ដែលលោកមានបទពិសោធល្អដឹកនាំក្រុម Red Bull Salzburg ឈ្នះពានលីគ Austrian Bundesliga និងពាន Austrian Cup រដូវកាលឆ្នាំ២០១៩-២០២១។
បច្ចុប្បន្នក្លិប Leeds United ឈរនៅលេខរៀងទី១៦ មានត្រឹម ២ពិន្ទុលើសក្រុមបាតតារាងដោយត្រូវជួបក្រុមលំដាប់ខ្លាំង Leicester City និង Aston Villa នៃលីគកំពូលជាបន្ត៕
